Hemendik hiru posta elektroniko ateratzen dira, eta bakoitza modu desberdin batean trabatzen da. Ezer baino lehen, begiratu nahi ez den postaren karpeta: ia denak hor bukatzen dute.
Helbidea berresteko mezua
Zazpi egun balio du. Ireki bitartean, panela ez da irekitzen: haren ordez «Berretsi zure helbide elektronikoa» agertzen da, berriro bidal diezazugun botoi batekin —erabili aurrekoa iraungi bada ere—. Zeure helbidea idaztean oker jarri baduzu, hantxe bertan dago irten eta beste kontu batekin sartzea. Eta hala ere iristen ez bada, idatzi Harremanetarako ataletik eta eskuz berresten dugu.
Pasahitzaren mezua
Ordubete balio du eta behin bakarrik. Beste bat eskatzeak aurrekoa hilda uzten du, beraz ireki beti iritsi zaizun azkena. Eta segurtasunagatik gauza bera erantzuten dugu kontua egon zein ez egon: idatzi duzun helbidea ez bada zehazki kontuarena, ez da ezer iritsiko eta ez dizugu esango. Pasahitza eta sarbidea atalean azaltzen da.
Abisuen eguneroko mezua
Egunean behin ateratzen da, goizean, eta zerbait badago bakarrik: inoiz ez da iristen berririk ez dagoela dioen mezu huts bat. Bat ere iristen ez bada, seguru asko ez da ezer gertatu jarraitzen duzuenean. Iristeko bi etengailu piztuta behar dira: postarena eta dagokion abisu-familiarena, eta biak pertsona bakoitzarenak dira, ez erakundearenak.
Etengailuak zer abisu jaso aukeratzea atalean daude, eta postak zer dakarren eguneroko posta atalean.
Abisuak ez daude postaren mende: beti daude panelaren kanpaian, zure postontziak jaso zein ez jaso.