O match colle o proxecto que ides presentar e puntúao criterio a criterio, como o faría a comisión de valoración. Responde a unha pregunta distinta da do resto do produto: non «presentámonos?», senón «con isto que escribimos, canto sacamos e que lle falta?». Vive na ficha da convocatoria, na súa propia lapela.
De onde saen os criterios
Case nunca son os oficiais, e hai que dicilo antes de nada porque cambia o que significa o número. Hai tres casos, e a pantalla di cal é antes de gastar o crédito, e outra vez enriba da lista de criterios cando xa está o resultado:
- Das bases: a convocatoria publica os seus criterios cos seus pesos e úsanse tal cal. Son as menos.
- Sen ponderación publicada: publica os nomes dos seus criterios pero non o que vale cada un. Úsanse os seus nomes e os pesos repartímolos nós ata sumar cen.
- Deducidos: non publica nada, e os criterios dedúcense do que si hai —o obxectivo, os beneficiarios aos que se dirixe, as liñas que financia—.
Un 71 sobre 100 deducido non é un 71 sobre 100 oficial. Por iso dise sempre de cal dos tres casos se trata: agochalo sería vender unha precisión que non existe.
Que che devolve
Os puntos sobre o máximo, se a probabilidade é alta, media ou baixa, un veredicto de dúas ou tres frases, cada criterio cos seus puntos e con que cambiarías para subilo, as alertas —o que vos deixa fóra antes de que ninguén valore o contido: pedir máis do máximo por proxecto, non ser o tipo de beneficiario que admite, non chegar ao cofinanciamento esixido— e as tres ou catro melloras que máis puntos suman, en orde.
O proxecto e o crédito
O proxecto súbese unha vez —PDF, Word ou texto pegado, ata 20 MB— e queda gardado para a entidade: probalo contra outra convocatoria é elixilo do despregable e premer, sen volver subilo. Cada match gasta un crédito de match, e se o modelo falla o crédito devólvese.
Antes de puntuar fai falta o perfil da entidade con polo menos os ámbitos e o territorio. Se o que queres é escribir a memoria e non puntuala, iso é Redactar un proxecto con IA.