Un crédito é un uso de intelixencia artificial. Só dúas funcións os gastan, e son dous traballos distintos.
- A análise de encaixe: le as bases dunha convocatoria contra o perfil da vosa entidade e di se paga a pena presentarse. Gástase antes de escribir nada. Cóntase enteira na análise de encaixe con IA.
- O match: le o proxecto que ides presentar e puntúao criterio a criterio, coa memoria xa redactada. Está en puntuar o teu proxecto.
Ningunha outra cousa desconta créditos. O borrador de memoria, hoxe, tampouco.
Cantos trae cada plan
Explora trae unha análise e ningún match, e non se repón. Analiza, dez análises e cinco match. Gana, vinte e dez. Ilimitado, cincuenta e vinte e cinco. O período é o que teñades contratado: con pagamento mensual repóñense cada mes; con pagamento anual, unha vez ao ano. Tedes os plans ao lado.
Como se repoñen
O saldo non é un contador que alguén teña que encher: calcúlase contando o gastado dentro do período en curso. Por iso repóñense sós ao renovar, sen ningún proceso mensual que poida non executarse un mes. O que sobra non se acumula: os do plan caducan ao comezar o período novo.
Cando se acaban
Recárgase: págase outra vez o prezo do plan e volven os mesmos créditos, sen cambiar de plan nin mover a data de renovación. Os créditos dunha recarga non caducan, e gástanse despois dos do plan —primeiro o que vai caducar, que é o único que non desperdicia diñeiro—.
Tamén se pode deixar acesa a recarga automática, cun tope de recargas por período que poñedes vosoutras. Acendela pide plan de pagamento e tarxeta gardada; apagala é un clic e non pide nada, porque retirar unha autorización de cobro nunca debe custar máis que dala.
Se a intelixencia artificial falla e o resultado non chega a saír, o crédito devólvese só. Non hai que pedilo.