Hai catro plans, e cambian en dúas cousas: cantas subvencións podedes levar en marcha á vez e canta intelixencia artificial entra en cada período. O catálogo, os avisos e as ferramentas de xestión son as mesmas nos catro.
Que trae cada un
- Explora: gratuíto, non caduca e non pide tarxeta. Trae unha análise de encaixe, unha e xa está: non se repón ao mes seguinte. É unha cata para ver que fai a función. E unha subvención en marcha, para probar a xestión cunha de verdade.
- Analiza: 39 € ao mes ou 396 € ao ano. Ata cinco subvencións en marcha á vez, e dez análises de encaixe e cinco match en cada período.
- Gana: 79 € ao mes ou 804 € ao ano. Ata dez subvencións en marcha, e vinte análises e dez match en cada período.
- Ilimitado: 139 € ao mes ou 1.416 € ao ano. Subvencións en marcha sen límite, e cincuenta análises e vinte e cinco match en cada período.
Pagar o ano enteiro sae un 15 % máis barato que pagar mes a mes. Que é unha análise e que é un match cóntase nos créditos.
Que conta como «en marcha»
Todas as do taboleiro menos dúas: as denegadas e as concedidas coa xustificación xa presentada. Esas deixan o sitio libre para outra. Se baixades de plan e quedades con máis das que admite, non se quita nin se bloquea nada: seguides traballando con todas, e o único que non se pode é abrir outra ata volver estar por debaixo.
O que non depende do plan
Buscar e filtrar todo o catálogo, gardar convocatorias, os avisos, as tarefas, a biblioteca e a xustificación non gastan créditos, teñades o plan que teñades. O que se paga é cantas subvencións levades á vez, o que consome intelixencia artificial e as prazas do equipo.
O equipo
A primeira persoa vai incluída en calquera plan, tamén no gratuíto. A partir de aí, cada praza son 8,90 € ao mes ou 90 € ao ano, que se suman á factura do plan. Non hai tope de persoas.
Os importes de arriba son os do mesmo catálogo co que se cobra. O detalle completo está na páxina de prezos.