Confirmar o correo
Sen o enderezo confirmado non se entra no panel. A ligazón chega no correo de benvida e vale sete días. Mentres non a abras, en lugar do panel sae «Confirma o teu correo», cun botón para que cho mandemos outra vez e outro para saír e entrar con outra conta —a saída para quen se equivocou ao teclear o seu propio enderezo—.
Esa pantalla decátase soa: se abres a ligazón no móbil, entra no panel sen que teñas que tocar nada. E non se perde nada polo camiño, porque a alta guiada vai antes e garda cada resposta no momento.
Se perdiches o contrasinal
- 1Pide a ligazón en Esquecín o contrasinal, co correo da conta.
- 2Abre o correo. A ligazón vale unha hora e serve unha soa vez; pedir unha nova deixa morta a anterior, así que usa sempre a última que che chegue.
- 3Escolle un contrasinal novo: mínimo oito caracteres, sen maiúsculas nin símbolos obrigatorios. O que de verdade protexe é a lonxitude, non os adornos.
Cambialo pecha todas as sesións abertas, tamén as doutros dispositivos: quen o restablece adoita facelo porque sospeita que alguén entrou, e deixalas vivas faría inútil o cambio. A de aquí queda aberta, para non pedirche o contrasinal dúas veces seguidas.
Pechar sesión
A sesión dura como moito trinta días e péchase desde o menú da túa conta. Se sospeitas que entrou alguén máis, cambia o contrasinal: iso péchaas todas de golpe.
Ao pedir a ligazón contéstase o mesmo exista ou non a conta, para que ninguén poida descubrir quen ten conta aquí probando correos. Se te equivocas de enderezo non chegará nada e tampouco cho diremos: se non aparece, mira non me chega un correo.