O esencial, en curto. O longo —e o que obriga— está na política de privacidade, que se le de arriba abaixo en dez minutos.
Que se garda
- Da conta: o teu nome, o teu correo e a data na que aceptaches o aviso legal e a privacidade.
- Da entidade: o que enchedes en A miña entidade —datos de rexistro, ámbitos, territorios, colectivos, orzamento, equipo—. É co que se calcula o encaixe.
- O que subides: documentos, proxectos e memorias.
- Da facturación, se hai plan de pagamento: os identificadores de Stripe e o histórico de cobros. Os datos da tarxeta non pasan polos nosos servidores.
Quen máis o ve
Non se vende nin se cede a ninguén. Só o tratan por conta nosa catro provedores, e cada un ve a parte que necesita: Resend manda os correos, Stripe cobra os plans, Anthropic pon o modelo de intelixencia artificial e OVHcloud aloxa os servidores e o almacén de ficheiros.
Canto tempo
A conta e o perfil, mentres a conta estea aberta. As sesións, trinta días como moito. As facturas, seis anos, e ese prazo non se pode acurtar: está en borrar a conta.
Non hai analítica nin rastrexadores: nin Google Analytics, nin píxeles de redes sociais, nin mapas de calor. As cookies que se usan son as necesarias para que a web funcione, e por iso tampouco hai un cartel de cookies que aceptar.
Os dereitos do RGPD —acceso, rectificación, supresión, oposición, limitación e portabilidade— exércense desde Contacto, co motivo «Os meus datos ou a miña conta». É gratis e contéstase no prazo dun mes. Os correos que enviamos saen dun enderezo só de envío, así que respondelos non chega a ninguén.