Subir, baixar, pasar de mensual a anual e darse de baixa fanse desde o panel, sen chamar a ninguén nin escribir ningún correo. Non hai permanencia.
Cambiar de plan
O cambio é no momento e a conta péchase aí mesmo: ao subir cóbrase a diferenza do que queda de período e os créditos novos xa están dispoñibles; ao baixar queda un saldo a favor que desconta a próxima factura. Agardar á renovación deixaría quen acaba de pagar máis sen o que pediu ata o mes seguinte.
Darse de baixa
A baixa prográmase para o final do período: seguides tendo o plan ata que acabe o que xa está pagado, e ata entón pódese desfacer cun clic. Cambiar de plan tamén a desfai, porque cambiar de plan é querer seguir.
Ao acabar, a conta pasa ao plan Explora e non se borra nada: o perfil, as convocatorias gardadas, as solicitudes, as tarefas e a biblioteca seguen onde estaban. Os créditos comprados nunha recarga tamén, porque non caducan.
As prazas do equipo
As prazas contratadas non baixan a metade do período: se quitades a alguén, séguese cobrando o que xa estaba facturado ata a renovación, e alí vólvese contar polas persoas que haxa de verdade. Ao convidar si que sobe no momento, e cóbrase a parte do período que queda.
Dar de baixa o plan non é borrar a conta: déixaa en Explora con todo dentro. Se o que queredes é que desapareza, borrar a conta.