Págase con tarxeta e sen saír da web. O formulario da tarxeta ponno Stripe dentro da propia páxina: eses datos non pasan polos nosos servidores en ningún momento.
As facturas
Cada cobro xera unha factura co seu número e o seu PDF descargable, a nome da entidade e co seu CIF. Os datos fiscais pónense unha vez desde a pantalla de facturación e cámbianse cando faga falta. Na lista, cada factura sae como pagada, aberta ou anulada: unha anulada non se debe, e por iso non se amosa como pendente.
A tarxeta
Gárdase ao contratar e pódese cambiar cando queirades. Ao cambiala non se cobra nada: valídase e queda para as próximas facturas. É a mesma que usa a recarga automática, se a tedes acesa.
Se un cobro de renovación falla, os créditos do plan deixan de gastarse ata que a subscrición volva estar ao día. Os que tivésedes comprado nunha recarga seguen sendo vosos: pagáronse á parte e non dependen da mensualidade.
A facturación só a ve e a toca quen administra a entidade. O saldo de créditos veo calquera do equipo, que para iso fai falta antes de pedir unha análise.
Os prezos de cada plan están na páxina de prezos e resumidos nos plans.