Faise desde A miña entidade, ao final da páxina. Pide o contrasinal, porque é irreversible e porque unha sesión aberta nun ordenador prestado non debería poder borrar unha entidade enteira.
Como se pide
Se estades soas na entidade, bórrase a entidade enteira con todo o que hai dentro: o que seguides, as subvencións, as tarefas, a biblioteca e os documentos. Se sodes varias, a entidade queda —o seu traballo é do equipo— e só desaparece a vosa conta. Se ademais administrades a entidade e hai máis xente, primeiro hai que nomear outra administradora. Tamén o podedes pedir desde Contacto, co motivo «Os meus datos ou a miña conta»: é gratis e contéstase no prazo dun mes.
Que se borra
A conta e o perfil da entidade, e con eles as sesións abertas, os documentos subidos e todo o que colgaba da conta.
Que se conserva
As facturas e os apuntamentos contables: seis anos desde o último asento, como esixe o Código de Comercio, e catro anos a efectos fiscais. Ese prazo non o podemos acurtar aínda que nolo pidades, porque non depende de nós.
Dar de baixa o plan non borra a conta: déixaa no plan gratuíto con todo dentro. Se o que buscades é deixar de pagar, mirade cambiar de plan ou darse de baixa.
O detalle de que se garda e durante canto está na política de privacidade e resumido en que datos gardamos.