A porcentaxe de encaixe compara catro campos e sae soa, para todo o catálogo á vez. A análise fai outra cousa: le as bases dunha convocatoria concreta contra o perfil da vosa entidade e cóntavos se paga a pena presentarvos.
Que devolve
- Un veredicto de dúas ou tres frases: a resposta a «presentámonos?».
- A súa propia porcentaxe, esta xa coas bases lidas.
- O que tedes a favor e o que vos penaliza, cada cousa co criterio das bases que a premia ou a castiga. Unha fortaleza sen o criterio detrás é un eloxio; con el, é un argumento para a memoria.
- Que fariamos distinto: cousas concretas para esta convocatoria, non consellos xenéricos.
- Isto déixavos fóra, no seu propio apartado, porque cun eliminatorio sen resolver non hai táctica que sirva.
Que custa e canto tarda
Pídese desde a lapela A túa análise da ficha, e gasta un crédito de análise. O plan Explora trae un e non se repón —é unha cata—; Analiza trae dez por período e Gana, vinte, e pódense recargar sen cambiar de plan. Tarda entre medio minuto e un minuto, e se algo falla o crédito devólvese.
Fai falta ter completado o perfil da entidade: sen el non hai con que comparar as bases.
Cando paga a pena
Usade a lista para baixar de todo o catálogo a catro ou cinco candidatas, e analizade esas. A análise gárdase e pódese volver a ela mentres se prepara a solicitude. Cando a hai, a ficha amosa dúas cifras, Encaixe IA e Automático; poden non coincidir, e esa diferenza di algo: a primeira leu as bases e a segunda non. Se despois cambiades o perfil, a análise gardada márcase como caducada en lugar de desaparecer, e sodes vosoutras quen decide se a refacedes.
É unha orientación para decidir, non un ditame. O que obriga son as bases, ligadas na mesma ficha.
O reparto por plan e as recargas están nos créditos e nos plans. Puntuar unha memoria xa escrita é outra cousa distinta: o match.